"Manchester Siti" va "Milan" yarim himoyachi Tidjani Reynders bo‘yicha muzokaralarni davom ettirmoqda.
Bir necha hafta oldin "rossonerilar" niderlandiyalik futbolchini 60 mln yevroga sotishdan bosh tortgandi, keyinroq "shaharliklar" 70 mln yevrolik taklif bilan qaytishdi. Jurnalist Rudi Galettining ma’lum qilishicha, tomonlar kelishuvga yaqinlashgan, ammo italyan klubi hozircha bunga rozilik bildirmagan. Ma’lum bo‘lishicha, transfer amalga oshishi uchun "Siti" biroz ko‘proq taklif qilishi kerak bo‘ladi.
Mart oyida Tidjani Reynders "Milan" bilan shartnomasini 2030 yilgacha uzaytirdi. Turli manbalar 26 yoshli futbolchining Xosep Gvardiola jamoasida to‘p tepish istagi borligi haqida bir necha bor xabar tarqatgan edi.













