"PSJ" "Inter"ni mag‘lub etib, Chempionlar Ligasi finalida g‘olib bo‘ldi - 5:0.
O‘yin Myunxendagi "Alyans Arena"da bo‘lib o‘tdi.
Uchrashuvning 12-daqiqasida hisobni parijliklar himoyachisi Ashraf Hakimiy ochdi, u sobiq klubi darvozasiga urilgan golni nishonlamadi. Golli uzatmani Dezire Due amalga oshirdi. Oradan 8 daqiqa o‘tib, Duening o‘zi "PSJ"ning ikkinchi goliga mualliflik qildi. 63-daqiqada 19 yoshli fransuz dublni rasmiylashtirdi.
Milanliklar darvozasiga to‘rtinchi to‘pni 73-daqiqada "Lokomotiv" va "Rubin" klublarining sobiq futbolchisi Xvicha Kvarasxeliya kiritdi. O‘yin oxirida Senni Mayulu yakuniy hisobni o‘rnatdi.
"PSJ" tarixda ilk bor Chempionlar ligasi g‘olibiga aylandi. Avvalroq jamoa bir marta turnir finaliga chiqqan va 2019/20 yilgi mavsumda "Bavariya"ga mag‘lub bo‘lgandi (0:1).
Bundan tashqari, bu fransuz klublari uchun ikkinchi sovrin bo‘ldi. Bungacha faqat "Marsel" 1992/93 yilgi mavsumda Chempionlar Ligasida g‘olib bo‘lgandi.
"Inter" Chempionlar Ligasi finalida o‘z tarixidagi to‘rtinchi mag‘lubiyatini qabul qilib oldi. Shuningdek, jamoa uch marta turnir g‘olibi bo‘lgan.
