Londonning "Chelsi" klubi forvardi Armando Broya transfer bozorida xaridorgir. The Sun nashri tarqatgan xabarga ko‘ra 23 yoshli futbolchini Niderlandiyaning PSV va "Ayaks," Germaniyaning "RB Leypsig" hamda "Milan" klublari o‘z safiga qo‘shib olmoqchi.
Yakunlangan mavsumda Broya "Everton"da ijara asosida o‘ynadi. Hujumchi 12 ta o‘yinda qatnashib, gol ura olmagan.
Armandoning "aristokratlar" bilan amaldagi mehnat shartnomasi muddati 2028 yil iyun oyi oxirida tugaydi. Transfermarkt portali ekspertlari futbolchining bozor narxini 12 million yevroga baholamoqda.













