O‘zbekistonning "Andijon" klubida ishlab kelayotgan murabbiy Maksim Shaskix Ukraina klublarini o‘zbek futbolchilarini diqqat bilan kuzatishga chaqirdi.

— Balki Ukrainada o‘zbek futbolchilariga yetarlicha e’tibor berilmayotgandir? Bundan tashqari, hozirgi vaziyatni hisobga olsak, hamma ham urush ketayotgan mamlakatga borishga tayyor emas. Shu bois, mahalliy futbolchilar ko‘proq boshqa yo‘nalishlarga qarashmoqda — Saudiya Arabistoni, BAA, Qatar, Xitoy, Tayland.

"Shaxtyor"ni e’tibordan chetda qoldiramiz, chunki ularning rivojlanish modeli o‘zgacha. Lekin "Dinamo" yoki "PolesYE" kabi klublar o‘zbek bozorini sinchiklab kuzatganida, o‘zlari uchun kerakli futbolchilarni topa olishardi. O‘zbekistonda yetarlicha malakali futbolchilar bor, ular bugungi kunda ukrain futbolchilardan hech ham kam emas. Ammo takrorlayman, hozirgi sharoitda yaxshi legionerni UPLga taklif qilish oson emas.

Ismlarni aytmayman. Faqat shuni ta’kidlashim mumkinki, menimcha, O‘zbekistonda sifatli futbolchilar ko‘p. Men ishlayotgan "Andijon"da ham shunday futbolchilar bor. Ilgari "Paxtakor"da bo‘lganimda, yordamchilarim bilan birga kelajakdagi O‘zbekiston milliy jamoasi tarkibini shakllantirgandik. Hozir Olimpiya termasi deyarli shu futbolchilardan iborat", — dedi Shaskix.

46 yoshli ukrain mutaxassis ikki marta O‘zbekiston chempioni bo‘lgan. Hozirda uning boshqaruvidagi "Andijon" jamoasi Superligada 11-o‘rinni egallab turibdi.