"Barselona" Frenki de Yong bilan shartnomani uzaytirishga yaqin turibdi.
Jurnalist Jerar Romeroning ma’lum qilishicha, kataloniyaliklar iyun oyi oxiriga qadar kelishuvni yakunlashni rejalashtirmoqda. Niderlandiyalik futbolchi hafta oxirigacha yangi kelishuv imzolashi kutilmoqda.
Mundo Deportivo'ning qayd etishicha, de Yong bilan shartnomani uzaytirish "Barselona"ga moliyaviy ahvolini yaxshilash imkonini beradi. Kelishuvning qayta tuzilishi tufayli klub kelgusi mavsumda yangi shartnomalar uchun ko‘proq imkoniyatlarga ega bo‘ladi.
De Yongning "Barselona" bilan amaldagi shartnomasi 2026 yilda o‘z nihoyasiga yetadi. O‘tgan mavsumda 28 yoshli yarim himoyachi La Ligada 26 ta o‘yinda 2 ta gol va 2 ta golli uzatmaga mualliflik qildi.
