"Inter" yarim himoyachisi Mxitaryan faoliyatini qanday yakunlashni rejalashtirayotgani haqida gapirdi.
"Faoliyatimni tugatmoqchi emasman va keyin buni juda erta qilganimdan afsuslanaman. "Inter"dan keyin faoliyatimni yakunlayman. Saviyamni pasaytirmoqchi emasman. Men Armanistonga qaytmayman. Saudiya Arabistoni kabi davlatlar ham meni qiziqtirmaydi. Hurmat bilan aytamanki, men futbolni pul uchun emas, o‘yin uchun yaxshi ko‘raman. Har kuni ertalab men mashg‘ulot o‘tkazish va nima qilishim mumkinligini ko‘rsatish istagi bilan uyg‘onaman", dedi futbolchi.
O‘tgan mavsumda Mxitaryan “Inter” safida 49 ta rasmiy o‘yinda maydonga tushib, bitta gol urdi va 4 ta golli uzatmani amalga oshirdi.
