O‘zbekiston ayollar milliy terma jamoasi 2026 yilgi ayollar Osiyo kubogi saralash bosqichida Shri-Lanka, Laos, Nepal jamoalariga qarshi bahs olib boradi.
O‘zbekiston futbol assosiasiyasi birinchi vise-prezidenti Ravshan Irmatov bosh murabbiy Kotrina Kulbite bilan futbolchilarning ayni paytdagi holati va imkoniyatlari xususida suhbatlashdi. Tibbiy shtabga jamoa vakillarining sog‘ligi, tiklanishi va vitaminizasiyalash jarayoni, shuningdek, ularga yuqori darajadagi tibbiy yordam ko‘rsatish amaliyotini davom ettirish ko‘rsatmasi berildi.
Shuningdek, O‘FA rahbariyati ayollar terma jamoasi oldida juda muhim vazifa turganini ta’kidlab, bu yo‘lda O‘FA tomonidan barcha sharoitlar taqdim etilishini ma’lum qildi.
Endi navbat ayollar milliy terma jamoasiga, tarixiy natija qayd etib, Jahon chempionati yo‘llanmasini qo‘lga kiritishimiz kerak
Uchrashuvda oldinda turgan muhim o‘yinlarda jamoaga omad tilab, futbolchilar va murabbiylarga ishonch yuqori ekanligini qayd etildi.













