“Real” futbolchisi Aureliyen Chuameni fikricha, madridliklar “PSJ”ni mag‘lub eta oladi.
“Biz “PSJ”ga qarshi o‘yinga yaxshi tayyorgarlik ko‘rdik. Yarim finalga yetib kelganimizdan xursandmiz, ammo ko‘proq narsani xohlaymiz. “PSJ”ni mag‘lub etishimiz kerak. Nafaqat bu o‘yinda g‘alaba qozonishimiz va turnirda chempionlikni qo‘lga kiritish uchun borimizni beramiz.
Parij klubidagi ko‘plab futbolchilarni shaxsan bilaman. Ular dunyoning eng yaxshi jamoasi. CHLda ajoyib g‘alabani qo‘lga kiritdi. Shubhasiz, bizni oldinda qiyin o‘yin kutmoqda. Ishonamanki, “Real” o‘z maqsadiga erisha oladi”, - dedi Chuameni.
Eslatib o‘tamiz, bu jamoalar klublar o‘rtasidagi jahon chempionati yarim finalida o‘zaro to‘qnash kelishadi.
