Ge Globo nashrining xabar berishicha, "Vulverxempton" "Fluminense" hujumchisi Jon Arias uchun kurashda ilk rasmiy qadamni tashladi. Ular Braziliya klubiga birinchi taklifni yuborishga tayyorgarlik ko‘rishmoqda.
Qiziqish yangi emas, ammo u Ariasning yaqinda bo‘lib o‘tgan klublar o‘rtasidagi jahon chempionatidagi muvaffaqiyatli ishtirokidan so‘ng sezilarli darajada faollashdi.
27 yoshli Arias yil boshida "Fluminense" bilan shartnomasini uzaytirgan edi. Biroq, uning Yevropaga ko‘chib o‘tish istagi o‘zgarishsiz qolmoqda. "Fluminense" hali transferning rasmiy narxini belgilamagan bo‘lsa-da, APL klubining taklifi Kolumbiya terma jamoasi futbolchisining kelajagi bo‘yicha keyingi muzokaralar uchun boshlang‘ich nuqtadir.
Arias 2024/25 yilgi mavsumda "Fluminense" safida barcha musobaqalarda 34 ta o‘yinda maydonga tushib, 4 ta gol va 13 ta golli uzatmaga mualliflik qilgan.
