“Andijon” klubi murabbiylar shtabida o‘zgarish ro‘y berdi.
Klub matbuot xizmatiga ko‘ra, Nikita Shkvirin “burgutlar”ning darvozabonlar murabbiyi sifatida ish boshladi.
Bungacha darvozabonlar murabbiyi vazifasida faoliyat olib borgan Qobiljon Olimjonov “Andijon” U21 da ishini davom ettiradi.
Eslatib o‘tamiz, Nikita o‘zbek futboli afsonalaridan biri Igor Shkvirinning farzandi bo‘lib, futbolchilik faoliyati mobaynida OKMK va “Qizilqum” klublari sharafini himoya qilgan.













