"Atletiko" Tyago Almada uchun 20 million yevrodan ortiq mablag‘ sarfladi.
Madrid klubi argentinalik yarim himoyachining "Botafogo"dan o‘tganligi haqida e’lon qilgan edi.
Insayder Fabrisio Romanoning xabar berishicha, "Atletiko" Jon Tekstor xoldingidan Almadaga bo‘lgan huquqlarning 50 foizini 21 million yevroga sotib oldi. Tomonlar kelishuvni seshanba kuni kechqurun imzoladilar.
O‘tgan mavsumning ikkinchi yarmida argentinalik futbolchi "Lion"da ijara asosida to‘p tepdi. Liga 1ning 16 ta o‘yinida 24 yoshli yarim himoyachi bir marta gol urib, 4 ta golli uzatma berdi.
