Rimning "Lasio" klubi bosh murabbiyi Maurisio Sarri "burgutlar"ning ertalabki mashg‘ulotlarini o‘tkazib yubordi. Bu haqda Corriere dello Sport nashri yozmoqda.
Manbaga ko‘ra, 66 yoshli murabbiy Rimdagi xususiy shifoxonaga tashrif buyurib, yuragini chuqurlashtirilgan tekshiruvdan o‘tkazgan. Bir necha yil oldin Sarri pnevmoniya va koronavirusni boshdan kechirganligi sababli yuragida muammolar paydo bo‘lgan. Bundan tashqari, Sarri ashaddiy chekuvchi va italyan oshxonasining ishqibozi.
"Lasio" matbuot xizmatining chorshanba kuni qo‘shimcha qilishicha, Sarri allaqachon o‘z ishiga qaytgan va rimliklarning kechki mashg‘ulotida ishtirok etgan.
