Milanning "Inter" klubi sport direktori Pyero Auzilio "Galatasaroy" bilan yarim himoyachi Hoqon Chalxono‘g‘li bo‘yicha muzokaralar haqida ma’lumot berdi.
Iyun oyidan buyon OAVda futbolchining Turkiyaga ko‘chib o‘tishi haqida muntazam ravishda gap-so‘zlar bo‘lib turdi. Hatto 31 yoshli turk "Galatasaroy" bilan shartnoma shartlari bo‘yicha kelishib olgani haqida xabarlar tarqalgan edi.
"Biz "Galatasaroy" bilan muzokaralar olib bordik, ammo muhokamalar davomida kelishuvga erishib bo‘lmasligi darhol ma’lum bo‘ldi. Uni sotib olishga harakat qilishdi - shu xolos. Xoqon bilan hech qanday muammomiz yo‘q," - deya Auziloning so‘zlarini keltiradi jurnalist Fabrisio Romano.
Eslatib o‘tamiz, "Inter" prezidenti Juzeppe Marotta klublar o‘rtasidagi jahon chempionatini tark etganidan so‘ng, Hoqon Chalxano‘g‘li jamoada o‘ynashni istamayotgani, shu sababli sotilishi mumkinligini aytgandi.













