Madridning “Real” klubi “Manchester Siti”dan Rodrini sotib olmoqchi.

Madrid klubi kuchli obro‘ga ega va ilk daqiqalardanoq o‘z nomini chiqara oladigan tajribali futbolchiga qiziqish bildirmoqda, deya xabar beradi AS. Shu munosabat bilan klub o‘tgan mavsum oxirida tizzasidan olgan jarohatidan so‘ng maydonga qaytgan, Rodrining holatini kuzatib bormoqda.

Ispaniyalik futbolchining Premyer-liga klubi bilan shartnomasi 2027 yilda tugaydi va hali uzaytirilmagan. Qayd etilishicha, vaziyatning rivojlanishi 29 yoshli yarim himoyachi jarohatdan keyin qanday sport formasini namoyish eta olishiga bog‘liq bo‘ladi. "Real Madrid"ning taxminiga ko‘ra, agar futbolchi kelasi yozgacha shartnomani uzaytirmasa va "Siti"ni tark etmoqchi bo‘lsa, klub uni maqbul narxga sotishga majbur bo‘ladi.

Shu bilan birga, "Los-blankos" yozda yana bir yirik xaridni amalga oshirish uchun moliyaviy imkoniyatlarga ega. Ayniqsa, Rodrigo ketsa, uning transferi jamoaga 80-100 million yevro atrofida daromad keltirishi mumkin.

Rodridan tashqari yana bir qancha yarim himoyachilar ko‘rib chiqilmoqda. Ular orasida: Nikolo Barella ("Inter"), Enso Fernandes ("Chelsi") va Aleksis MakAllister ("Liverpul") bor.