Мадриднинг “Реал” клуби “Манчестер Сити”дан Родрини сотиб олмоқчи.

Мадрид клуби кучли обрўга эга ва илк дақиқаларданоқ ўз номини чиқара оладиган тажрибали футболчига қизиқиш билдирмоқда, дея хабар беради AS. Шу муносабат билан клуб ўтган мавсум охирида тиззасидан олган жароҳатидан сўнг майдонга қайтган, Родрининг ҳолатини кузатиб бормоқда.

Испаниялик футболчининг Премьер-лига клуби билан шартномаси 2027 йилда тугайди ва ҳали узайтирилмаган. Қайд этилишича, вазиятнинг ривожланиши 29 ёшли ярим ҳимоячи жароҳатдан кейин қандай спорт формасини намойиш эта олишига боғлиқ бўлади. "Реал Мадрид"нинг тахминига кўра, агар футболчи келаси ёзгача шартномани узайтирмаса ва "Сити"ни тарк этмоқчи бўлса, клуб уни мақбул нархга сотишга мажбур бўлади.

Шу билан бирга, "Лос-бланкос" ёзда яна бир йирик харидни амалга ошириш учун молиявий имкониятларга эга. Айниқса, Родриго кетса, унинг трансфери жамоага 80-100 миллион евро атрофида даромад келтириши мумкин.

Родридан ташқари яна бир қанча ярим ҳимоячилар кўриб чиқилмоқда. Улар орасида: Николо Барелла ("Интер"), Энцо Фернандес ("Челси") ва Алексис МакАллистер ("Ливерпуль") бор.