"Almeriya" himoyachisi Mark Pubil "Vulverxempton" qiziqishlari doirasiga tushib qoldi. Insayder Fabrisio Romanoning ma’lum qilishicha, ingliz klubi 22 yoshli ispaniyalik futbolchi uchun bazaviy to‘lov sifatida 15 million yevro va ehtimoliy bonuslar taklif qilgan.
Pubil 2024/25 yilgi mavsumni ajoyib o‘tkazdi: u barcha turnirlarda 40 ta o‘yin o‘tkazib, bitta gol urdi va sheriklariga beshta golli uzatmani amalga oshirdi. Uning ispan klubi bilan shartnomasi 2029 yilning 30 iyuniga qadar mo‘ljallangan.
Transfermarkt Pubilning bozor narxini to‘rt million yevroga baholamoqda, ammo "Vulverxempton" istiqbolli himoyachi uchun ancha ko‘proq to‘lashga tayyor.
