"Альмерия" ҳимоячиси Марк Пубиль "Вулверхэмптон" қизиқишлари доирасига тушиб қолди. Инсайдер Фабрицио Романонинг маълум қилишича, инглиз клуби 22 ёшли испаниялик футболчи учун базавий тўлов сифатида 15 миллион евро ва эҳтимолий бонуслар таклиф қилган.
Пубиль 2024/25 йилги мавсумни ажойиб ўтказди: у барча турнирларда 40 та ўйин ўтказиб, битта гол урди ва шерикларига бешта голли узатмани амалга оширди. Унинг испан клуби билан шартномаси 2029 йилнинг 30 июнига қадар мўлжалланган.
Transfermarkt Пубилнинг бозор нархини тўрт миллион еврога баҳоламоқда, аммо "Вулверхэмптон" истиқболли ҳимоячи учун анча кўпроқ тўлашга тайёр.
