"Manchester Siti" Ederson yaqin kelajakda jamoadan ketgan taqdirda, asosiy darvozabonga aylanadigan yangi futbolchini jamoaga qo‘shib olmoqchi. "Shaharliklar" "Portu"ning darvozaboni Diogu Koshtaga ilk bor qiziqayotgani yo‘q.

Fichajes portali o‘z sahifalarida xabar berishicha, Koshtaning transferi uchun 60 million yevro yetarli bo‘lmasligi mumkin. Bu summa muzokaralar uchun boshlang‘ich narx bo‘lishi mumkin, ammo bitimni yakunlash uchun "shaharliklar" ko‘proq mablag‘ taklif qilishlariga to‘g‘ri keladi.

25 yoshli Koshtaning "Portu" bilan amaldagi shartnomasi yana ikki mavsumga - 2027 yilning o‘rtalarigacha mo‘ljallangan. Futbolchi Portugaliya milliy terma jamoasi safida 36 ta o‘yin o‘tkazgan. Bu o‘yinlarda darvozabon darvozasidan 28 ta to‘p o‘tkazib yuborgan.