"Манчестер Сити" Эдерсон яқин келажакда жамоадан кетган тақдирда, асосий дарвозабонга айланадиган янги футболчини жамоага қўшиб олмоқчи. "Шаҳарликлар" "Порту"нинг дарвозабони Диогу Коштага илк бор қизиқаётгани йўқ.

Fichajes портали ўз саҳифаларида хабар беришича, Коштанинг трансфери учун 60 миллион евро етарли бўлмаслиги мумкин. Бу сумма музокаралар учун бошланғич нарх бўлиши мумкин, аммо битимни якунлаш учун "шаҳарликлар" кўпроқ маблағ таклиф қилишларига тўғри келади.

25 ёшли Коштанинг "Порту" билан амалдаги шартномаси яна икки мавсумга - 2027 йилнинг ўрталаригача мўлжалланган. Футболчи Португалия миллий терма жамоаси сафида 36 та ўйин ўтказган. Бу ўйинларда дарвозабон дарвозасидан 28 та тўп ўтказиб юборган.