"Komo" prezidenti lavozimida ishlab kelayotgan Mirvan Suvarso hujumchi Alvaro Morataning ehtimoliy transferi haqida gapirdi. Suvarsoning so‘zlariga ko‘ra, agar "Milan" va "Galatasaroy" futbolchini Turkiyadan muddatidan oldin qaytarish bo‘yicha o‘zaro kelishib olsa, transfer amalga oshadi.
"Alvaro Morata uchun shartnoma tayyor. U shartlarga rozi bo‘ldi va biz barcha tafsilotlarni "Milan" bilan kelishib oldik. Endi biz shunchaki "Galatasaroy" va "Milan" o‘rtasidagi muzokaralarni kutyapmiz. Biz o‘z ishimizni bajardik," - deya Suvarsoning so‘zlarini keltiradi jurnalist Fabrisio Romano Sky telekanaliga tayanib.
Eslatib o‘tamiz, fevral oyida "Galatasaroy" Alvaro Moratani "Milan"dan bir yil muddatga ijaraga olgan edi.
