"Liverpul" hujumchisi Darvin Nunyes "Yuventus"ning transfer maqsadlari qatorida qolmoqda.
Kuni kecha "keksa sinyora" vakillari shu yozda "Liverpul"ni tark etishi aniq bo‘lgan urugvaylik futbolchining agentlari bilan dastlabki muzokaralarni o‘tkazdi, deb xabar bermoqda jurnalist Alfredo Pedulla. Turinliklar keyingi muhokamalar qanchalik maqsadga muvofiqligini bilish uchun 26 yoshli hujumchining maosh bo‘yicha talablari haqida ma’lumot so‘radi. Bitimning eng ehtimoliy variantlaridan biri - keyinchalik sotib olish majburiyati bilan olinadigan ijara.
Ta’kidlash kerakki, "Yuventus" uchun ustuvor variant bu - Randal Kolo-Muani bo‘lib qolmoqda - klub "PSJ"ga tegishli fransuzning ijara muddatini uzaytirish ustida ishlamoqda.
