Dushanba kuni "Real" yangi mavsumga tayyorgarlikni boshlaydi. Marca sahifalarida so‘nggi hafta va oylarda ko‘p mish-mishlar tarqalgan hujumchi Vinisius Juniorning holati haqida material e’lon qilindi.
"Vinisius o‘z joyi boshqa joyda emas, balki "Real"da ekaniga ishonch bilan qaytmoqda," - deyiladi materialda.
Qayd etilishicha, Vinisius yuqori darajani ko‘rsatib, jahon futbolida top-darajaga qaytishga bel bog‘lagan. Ta’til davomida braziliyalik sportchi optimal jismoniy holatini tikladi. 25 yoshli futbolchining yaqinlari Vinisius va "Real" o‘rtasidagi ziddiyatlar haqidagi ba’zi mish-mishlar haqiqatdan yiroq ekanini ta’kidlamoqda.
