Душанба куни "Реал" янги мавсумга тайёргарликни бошлайди. Marca саҳифаларида сўнгги ҳафта ва ойларда кўп миш-мишлар тарқалган ҳужумчи Винисиус Жуниорнинг ҳолати ҳақида материал эълон қилинди.
"Винисиус ўз жойи бошқа жойда эмас, балки "Реал"да эканига ишонч билан қайтмоқда," - дейилади материалда.
Қайд этилишича, Винисиус юқори даражани кўрсатиб, жаҳон футболида топ-даражага қайтишга бел боғлаган. Таътил давомида бразилиялик спортчи оптимал жисмоний ҳолатини тиклади. 25 ёшли футболчининг яқинлари Винисиус ва "Реал" ўртасидаги зиддиятлар ҳақидаги баъзи миш-мишлар ҳақиқатдан йироқ эканини таъкидламоқда.
