"Barselona"ning qanot himoyachilari Jerar Martin va Ektor Fortga nisbatan rejalari ma’lum.
Klubdagilar himoyada chap qanotda o‘ynaydigan 23 yoshli Martin o‘tgan mavsumda o‘zini yaxshi tomondan ko‘rsatdi, deb hisoblamoqda, shu bois bo‘lajak kampaniyada unga umid bog‘lashmoqda, deya xabar beradi jurnalist Viktor Navarro.
Fortga kelsak, u bilan vaziyat boshqacha: "Barselona"dagilar 19 yoshli o‘ng qanot himoyachisi yaqin kelajakda Xans-Diter Flik jamoasi uchun asosiy tarkibga da’vogarlik qila olmasligini tushunishadi, shuning uchun yosh ispaniyalikka amaliyot uchun ijaraga ketishni tavsiya qilishmoqda.
16 avgust kuni "ko‘k-anorranglilar" La Liga yangi o‘yinining 1-turi doirasida safarda "Malyorka"ga qarshi bahs olib boradi.
