"Барселона"нинг қанот ҳимоячилари Жерар Мартин ва Эктор Фортга нисбатан режалари маълум.
Клубдагилар ҳимояда чап қанотда ўйнайдиган 23 ёшли Мартин ўтган мавсумда ўзини яхши томондан кўрсатди, деб ҳисобламоқда, шу боис бўлажак кампанияда унга умид боғлашмоқда, дея хабар беради журналист Виктор Наварро.
Фортга келсак, у билан вазият бошқача: "Барселона"дагилар 19 ёшли ўнг қанот ҳимоячиси яқин келажакда Ханс-Дитер Флик жамоаси учун асосий таркибга даъвогарлик қила олмаслигини тушунишади, шунинг учун ёш испанияликка амалиёт учун ижарага кетишни тавсия қилишмоқда.
16 август куни "кўк-анорранглилар" Ла Лига янги ўйинининг 1-тури доирасида сафарда "Мальорка"га қарши баҳс олиб боради.
