Braziliyalik hujumchi Neymar o‘n ikki yil oldin o‘ynagan klubiga qaytib, "Santos" futbolchisiga aylangandi. Braziliya nashrining yozishicha, bu "Santos" muxlislarining keskin ko‘payishiga olib keldi - klubning saytida rasman ro‘yxatdan o‘tgan a’zolari soni 46 mingdan 67 minggacha, ya’ni 44 foizga oshdi.
Bu Braziliya futbolining elita divizionidagi klub uchun o‘z tarixidagi eng keskin o‘sishdir. Biroq, muxlislarning mutlaq soni bo‘yicha "Santos" ko‘plab Braziliya klublaridan ortda qolmoqda, bu borada "Flamengo" yetakchilik qilmoqda, uning 184 000 dan ortiq rasmiy ro‘yxatdan o‘tgan muxlislari bor.
