Бразилиялик ҳужумчи Неймар ўн икки йил олдин ўйнаган клубига қайтиб, "Сантос" футболчисига айланганди. Бразилия нашрининг ёзишича, бу "Сантос" мухлисларининг кескин кўпайишига олиб келди - клубнинг сайтида расман рўйхатдан ўтган аъзолари сони 46 мингдан 67 минггача, яъни 44 фоизга ошди.
Бу Бразилия футболининг элита дивизионидаги клуб учун ўз тарихидаги энг кескин ўсишдир. Бироқ, мухлисларнинг мутлақ сони бўйича "Сантос" кўплаб Бразилия клубларидан ортда қолмоқда, бу борада "Фламенго" етакчилик қилмоқда, унинг 184 000 дан ортиқ расмий рўйхатдан ўтган мухлислари бор.
