"Marsel" forvardi Meyson Grinvud rasman Yamayka fuqarosiga aylandi - 23 yoshli hujumchi ushbu mamlakat pasportini oldi, deb yozadi BBC.
Shu tariqa, u Yamayka terma jamoasi safida xalqaro maydonda o‘ynash imkoniyatiga yaqinlashdi.
Aniqlik kiritilishicha, Bermud orollari hamda Trinidad va Tobagoga qarshi jahon chempionati o‘yinlarida ishtirok etish uchun futbolchi Angliya futbol assosiasiyasidan Yamayka futbol federasiyasiga o‘tish bilan bog‘liq rasmiyatchiliklarni yakunlashi kerak bo‘ladi. Bu jarayon avval boshqa terma jamoalarda to‘p tepgan futbolchilar uchun majburiy hisoblanadi. Uning hisobida Angliya terma jamoasi safida bitta o‘yin bor.













