"Марсель" форварди Мэйсон Гринвуд расман Ямайка фуқаросига айланди - 23 ёшли ҳужумчи ушбу мамлакат паспортини олди, деб ёзади BBC.
Шу тариқа, у Ямайка терма жамоаси сафида халқаро майдонда ўйнаш имкониятига яқинлашди.
Аниқлик киритилишича, Бермуд ороллари ҳамда Тринидад ва Тобагога қарши жаҳон чемпионати ўйинларида иштирок этиш учун футболчи Англия футбол ассоциациясидан Ямайка футбол федерациясига ўтиш билан боғлиқ расмиятчиликларни якунлаши керак бўлади. Бу жараён аввал бошқа терма жамоаларда тўп тепган футболчилар учун мажбурий ҳисобланади. Унинг ҳисобида Англия терма жамоаси сафида битта ўйин бор.













