Eden Azar nima uchun futbolni tark etganini aytdi.
Belgiyalik futbolchi futbolchilik faoliyatini 2023 yilda yakunlagan.
"Men professional futbolni tark etdim, chunki menga o‘yindagi hamma narsa yoqmadi. Menga maydondagi 90 daqiqa yoqdi, ammo qolgan hamma narsa - safar o‘yinlari, cheksiz mashg‘ulotlar, ommaviy axborot vositalari - menga yoqmadi.
Murabbiylar endi o‘yinchilardan ko‘ra ko‘proq ishlaydi, doimo yordamchilari bilan kompyuterda o‘tirishadi. Menga bu yoqmaydi.
Ba’zilar o‘ylagandek 42 emas, 34 yoshdaman. Murabbiy bo‘lmoqchi bo‘lsam, vaqtim bor. Endi men ko‘p futbol tomosha qila olaman, bolalarimga qaray olaman va dam olaman”, dedi “Lill”, “Chelsi” va “Real”ning sobiq yarim himoyachisi Azar.
