Turkiyaning "Istanbul Bashakshehir" klubi xavbek Abbosbek Fayzullayev transferi uchun hali Moskvaning SSKA klubi bilan hisob-kitob qilgani yo‘q. Bu haqda "harbiylar" klubi vakili Kirill Breydo ma’lum qildi.
"Hozircha SSKA Abbosning transferi uchun pul olgani yo‘q. Biz turk klubi bilan yozishmalar olib boryapmiz. Pulni shu haftada kutamiz," - deya Breydoning so‘zlarini keltiradi "Sport-Ekspress."
21 yoshli yarim himoyachi iyul oyi oxirida Moskva klubini tark etgandi. Abbosbek turklar bilan besh yillik mehnat shartnomasini imzoladi. Transfermarkt portali ma’lumotlariga ko‘ra, Fayzullayevning transferi "Istanbul Bashakshehir"ga sakkiz million yevroga tushgan.













