"Parma" markaziy himoyachi Jovanni Leonini "Liverpul"ga sotishga yaqin turibdi.
Bitim allaqachon kelishilgan va tez orada, agar rejalashtirilmagan hech narsa sodir bo‘lmasa, rasmiy ravishda tasdiqlanadi. "Parma" 18 yoshli futbolchining sotuvidan 35 mln yevro ishlab oladi - bu klub tarixidagi eng qimmat transferlar ro‘yxatida to‘rtinchi o‘rinda.
Ro‘yxatda 2000 yilda "Lasio"ga qariyb 57 mln yevroga sotilgan sobiq forvard Ernan Krespo yetakchilik qilmoqda. Ikkinchi o‘rin - darvozabon Janluiji Buffon, u uchun "Yuventus" 2001 yilda taxminan 53 million yevro to‘lagan. 2001 yilning yozida yana o‘sha "keksa sinyora" "jallublu" himoyachisi Lilian Tyuramni 36 million yevroga sotib oldi.
Jovanni Leoni A Seriyada bor yo‘g‘i 17ta o‘yin o‘tkazdi, bu esa afsonaviy sobiq murabbiy Arrigo Sakkining fikricha, hech kimni xavotirga solmasligi kerak.
