"Manchester Siti" yarim himoyachisi Tijani Reynders jamoa bosh murabbiyi Xosep Gvardiola haqida o‘z fikrlari bilan o‘rtoqlashdi.
“Shaharliklar” niderlandiyalik futbolchi uchun “Milan”ga 55 million yevro to‘lagandi.
"Eng yaxshi murabbiylardan biri bo‘lgan Gvardiola bilan ishlash men uchun katta sharaf. Men bundan ham yaxshiroq yarim himoyachi bo‘lishni xohlayman - shuning uchun "Manchester Siti"ga o‘tishga qaror qildim.
"Milan"da mavsumni yaxshi o‘tkazdim, lekin siz har doim yanada yaxshiroq bo‘lishni xohlaysiz. Bu yerda o‘z maksimal darajamga erishishga harakat qilaman - o‘ylaymanki, bunday murabbiy va jamoadoshlarim bilan ish osonroq bo‘ladi", - deydi Reynders.
