"Milan" forvardi Marko Lazetich "Aberdin"ga o‘tishga yaqin turibdi.
Manbaga ko‘ra, 21 yoshli futbolchi tez orada Shotlandiyaga shartnoma imzolash uchun keladi. Qayd etilishicha, klublar futbolchini bepul transfer qilishga kelishib olishgan, biroq keyinchalik futbolchini qayta sotishdan tushgan mablag‘ning 50 foizini milanliklarga to‘lash sharti bilan.
2024/25 yilgi mavsumda Lazetich Serbiyaning "Bachka Topola" klubida ijarada o‘ynadi, barcha musobaqalarda 43 ta o‘yin o‘tkazib, 3 ta gol urdi va 1 ta golli uzatmani amalga oshirdi.
