Rafael Leau mavsumning ilk rasmiy o‘yinida jarohat oldi.
Italiya kubogi doirasidagi "Bari"ga qarshi o‘yinning 14-daqiqasida vinger hisobni ochdi. Unga Fikayo Tomori assistentlik qildi.
O‘yinning 17-daqiqasidayoq "rossonerilar" murabbiylar shtabi portugaliyalik futbolchining o‘ng oyog‘i boldir mushaklarida muammolar borligini aytganidan keyin uni almashtirishga majbur bo‘ldi. Maydonga Santyago Ximenes tushdi.
O‘tgan mavsumda Leau A Seriyada 34 ta o‘yinda 8 ta gol urdi. Yangi mavsumda "Kremoneze"ga qarshi chempionatning ilk o‘yini 23 avgust kuni bo‘lib o‘tadi.
