"Liverpul" klubi qanot hujumchisi Muhammad Saloh Angliya professional futbolchilar assosiasiyasi (PFA) talqini bo‘yicha yilning eng yaxshi futbolchisi - 2025 sovrinini qo‘lga kiritdi. Shu tariqa, misrlik futbolchi Angliya chempionatlari tarixida bir mavsumda APLning 5 ta individual futbol sovrinini qo‘lga kiritgan ilk futbolchiga aylandi. Bu haqda Squawka statistik portali xabar bermoqda.
Manbaga ko‘ra, Saloh 2024/2025 yilgi mavsum yakunlariga ko‘ra, Angliya Premyer-ligasining "Oltin butsa"si, APLning eng yaxshi pleymeykeri sovrini, Angliya chempionatida yilning eng yaxshi futbolchisi, Futbol jurnalistlari assosiasiyasi (FWA) talqini bo‘yicha yilning eng yaxshi futbolchisi, shuningdek, PFA Players talqini bo‘yicha yilning eng yaxshi futbolchisi bo‘ldi.
Avvalroq PFA 33 yoshli hujumchini o‘tgan mavsum ramziy terma jamoasiga kiritgandi. Misrlik futbolchi Angliya chempionatining o‘tgan mavsumida 38 ta o‘yinda ishtirok etib, 29 ta gol va 18 ta golli uzatmani amalga oshirdi.
