"Antverpen" darvozaboni Senne Lammens "Manchester Yunayted"ga o‘tishga tayyor.
Klublar kelishuv shartlarini deyarli kelishib olishgan: transfer "qizil iblislar"ga 16 mln funtga (taxminan 18,5 mln yevro) tushadi. Jurnalist Saymon Mallokning ma’lum qilishicha, 23 yoshli darvozabonga "Inter", "Lill" va "Galatasaroy" klublari ham qiziqish bildirgan, ammo belgiyalik "Manchester Yunayted"ni ma’qul ko‘rgan. Futbolchining mankunianliklar bilan shartnomasi besh yilga mo‘ljallangan bo‘lishi kutilmoqda.
Senne Lammens "Antverpen" safida 64 ta o‘yinda 86 ta gol o‘tkazib yuborgan.













