UYEFA sentyabr oyida AQSHda La Liga o‘yinini o‘tkazish masalasini ko‘rib chiqadi.
Avvalroq Ispaniya qirollik futbol federasiyasi UEFAga "Barselona" va "Vilyarreal" o‘rtasidagi o‘yinni 20 dekabr kuni Mayamida o‘tkazish bo‘yicha so‘rov yuborgani haqida xabar berilgandi.
As xabariga ko‘ra, UYEFA RFEF so‘rovini ko‘rib chiqmoqda - yakuniy qaror 11 sentyabr kuni Tiranadagi ijroiya qo‘mitasida qabul qilinadi va FIFAga topshiriladi. Ayni paytda UEFA yuristlari milliy ligalar o‘yinlarini xorijda o‘tkazishning huquqiy asoslari ustida ishlamoqda - bunday o‘yinlarning ruxsat etilgan soni, ularni o‘tkazish vaqti, masofasi va turnirga ta’siri darajasi muhokama qilinmoqda.
Qayd etilishicha, Yevropa futboli rahbariyati o‘yinlarning xorijda o‘tkazilishi "milliy chempionatlar ruhini buzishi" mumkinligidan xavotirda. Bundan tashqari, Yevropa futbol muxlislari assosiasiyasi chempionat o‘yinlarini qit’adan tashqarida o‘tkazishga qarshi chiqdi. Shuningdek, UEFA ushbu o‘yinni AQSHda o‘tkazishga qarshi bo‘lgan La Liga klublaridan xabar oldi.
