Markaziy Osiyo futbol assosiasiyasi kubogida ishtirok etish uchun O‘mon terma jamoasi Toshkentga yetib keldi.

Bugungacha jamoa portugaliyalik murabbiy Karlush Keyrush boshchiligida Turkiyada "Fenerbaxche" klubi bazasida 8 kun davomida yig‘in o‘tkazdi.

Yig‘inda asosiy e’tibor futbolchilarning jismoniy tayyorgarligiga qaratildi. Chunki futbolchilar yangi mavsum oldidan klublari bilan yetarli mashg‘ulot o‘tkazmagan va mahalliy chempionatda ham bor-yo‘g‘i bitta tur o‘tkazilgan edi. Karlush Keyrush Instagram orqali "Aziz muxlislar, futbolchilar va murabbiylar shtabi! Birlashish vaqti keldi. Egoizmga yoki orzu-umidimizni qo‘llab-quvvatlamaydiganlarga o‘rin yo‘q. Hushyor bo‘ling, chodir ichidagi soxta do‘st mingta tashqi dushmandan ham xavfliroq", — deb yozdi.

Toshkentga kelgan O‘mon terma jamoasi ro‘yxatida 26 nafar futbolchi bor:

Darvozabonlar — Ibrohim Muhayniy, Fayz ar-Rashidiy, Bilol al-Balushiy, Ahmad ar-Ruvahiy.

Himoyachilar — Ahmad al-Ka’biy, Ali al-Busa’idiy, Mahmud al-Mushayfiriy, Mus’ab ash-SHaqsiy, Amjad al-Horisiy, Soniy ar-Rashidiy, G‘onim al-Hubshiy.

Yarimhimoyachilar — Sulton Badr al-Marzuqiy, Ohod al-Hubshiy, Mus’ab al-Ma’moriy, Horib as-Sa’diy, Arshad al-Alaviy, Abdulloh Favvoz Arafa, Xotam ar-Ruvahiy, Zohir al-Ag‘bariy, Jamil al-YAhmadiy, Ahmad ar-Riyomiy, Nosir ar-Ruvahiy, Saloh al-YAhyoiy.

Hujumchilar — Muhammad bin Muborak al-G‘ofiriy, al-Munzir al-Alaviy.

O‘zbekistonga qarshi ilk uchrashuvdan keyin jamoaga yana uch futbolchi — Muxsin al-G‘assoniy, Xolid al-Briykiy va Abdurrahmon al-Mushayfiriy qo‘shiladi. Shuningdek, Isom as-Subhiy ham kelishi mumkin, ammo bu uning klubi — Iroqning "Quva al-Javiyya" jamoasi roziligiga bog‘liq.

Bu O‘mon milliy terma jamoasining Toshkentga to‘rtinchi tashrifidir. Birinchi marta jamoa 2002 yilgi JCH saralashida doirasida Toshkentda O‘zbekistonga 0:5 hisobida yutqazgan.

2014 yil 27 va 29 may kunlari o‘monliklar O‘zbekiston mehmoni bo‘lgan: avval Olmaliqda 1:0 hisobida g‘alaba qozongan (gol muallifi — Ahmad bin Muborak Kanu), keyin esa Toshkentdagi "Jar" stadionida 1:0 hisobida (gol muallifi — Iyd al-Forsiy) g‘alaba qozongan. Keyingi tashrif esa ikki yil oldin Markaziy Osiyo chempionatida bo‘lib o‘tgan va o‘sha uchrashuvda O‘zbekiston 3:0 hisobida g‘alaba qozongan.