«Manchester Yunayted»ning sobiq hujumchisi Ueyn Runi klubdagi vaziyat haqida fikr bildirib, bosh murabbiy Ruben Amorimning «Grimsbi Taun» (Angliya 4-divizioni)ga mag‘lubiyatdan keyin futbolchilar haqida aytgan tanqidiy so‘zlariga munosabat bildirdi. Kubok o‘yini asosiy vaqtda 2:2 hisobida yakunlandi, penaltilar seriyasida esa maydon egalari 12:11 hisobida g‘alaba qozondi.

Runing so‘zlariga ko‘ra:

«Yunayted»ning mag‘lubiyati juda ham noodatiy va noqulay bo‘ldi. Darrov ko‘rinib turibdiki, nimadir noto‘g‘ri ketmoqda. Bu oydin holat. O‘yindan keyin murabbiy intervyuda aytgan so‘zlari esa hammani yanada ishontirdiki, haqiqatdan ham muammo bor. Albatta, bunday natijalar sodir bo‘lishi mumkin. Men o‘ynagan paytimizda ham biz «Krouli»dan mag‘lub bo‘lganmiz. Ammo o‘sha vaqtda bu faqat bir istisno ekani yaqqol ko‘rinib turardi. Hozir esa bu doimiy ravishda sodir bo‘layotgani, o‘xshash natijalar qaytarilayotgani ko‘zga tashlanyapti. Hatto mavsumda bor-yo‘g‘i uchta o‘yin o‘tdi, ammo odam o‘ylaydi: «Nima bo‘layapti o‘zi?»

Eng yomoni, murabbiy o‘yindan keyin futbolchilar haqida qattiq tanqidiy gapirishi. Men o‘sha kiyinish xonalarida bo‘lganman va yaxshi bilaman: agar murabbiy bunday gapirsa, demak, jamoada nimadir buzilgan.

Amorim haqida esa shundan ham esdan chiqarmaslik kerakki, u hamon 40 yoshda — yosh murabbiy. «Yunayted» esa oldingi davrdagidan butunlay farq qiladi. Bu yerda mediakomanda, sotuv bo‘limi, ulkan muxlislar armiyasi, jurnalistlar... Bu mutlaqo «Sporting» emas. U «Yunayted»dagi bosimni hech qachon his qilmagan. G‘alaba kelmasa esa, vaziyat yanada yomonlashadi. «Grimsbi»ga mag‘lubiyat unga bir turdagi burilish nuqtasi bo‘lgan ko‘rinadi».