Hujumchi Aleksandr Isak "Nyukasl"dan "Liverpul"ga o‘tmoqda. Ijtimoiy tarmoqlarda jurnalist Yan Oge Fyortoftning yozishicha, klublar allaqachon kelishuvga erishgan. Transfer qiymati 130 million funtni tashkil etadi. Yevroga o‘tkazilganda bu summa 150,24 million bo‘ladi.
Jurnalistning qayd etishicha, 25 yoshli Isakning "Liverpul"ga transferi tez orada e’lon qilinadi.
Aleksandr Isak "Nyukasl" safida jami 109 ta o‘yinda maydonga tushib, 62 ta gol va 11 ta golli uzatmani o‘z hisobiga yozdirib qo‘ygan. Bu mavsumda shvesiyalik futbolchi maydonga tushmadi - u klubini o‘zgartirish istagi tufayli boykot e’lon qildi.
