"Pachuka" "Korintians" bilan hujumchi Memfis Depay bo‘yicha muzokara o‘tkazmoqda. Niderlandiyalik futbolchi ketish istagida emas, ammo braziliyaliklar 31 yoshli futbolchiga maosh to‘lashda qiynalishi mumkin, deb yozadi jurnalist Ekrem Konur. Vaziyatdan transfer ustida ish boshlagan Meksikaning "Pachuka" klubi foydalanib ko‘radi. Hujumchiga "Beshiktosh" va PSV klublari ham da’vogarlik qilmoqda.
Memfis Depayning "Korintians" bilan shartnomasi 2026 yilning oxirigacha mo‘ljallangan bo‘lib, uning transfer narxi Transfermarkt portali tomonidan 10 mln yevroga baholangan. Braziliyaga ko‘chib o‘tishdan oldin futbolchi Ispaniyaning "Atletiko" jamoasida o‘ynagan.
