Transfer huquqlari Rimning "Roma" klubiga tegishli bo‘lgan ukrainalik markaziy hujumchi Artyom Dovbik klubini o‘zgartirmoqchi.
Jurnalist Nikolo Skiraning ma’lum qilishicha, hujumchi faoliyatini Italiyaning boshqa bir klubi - "Milan"da davom ettirishga tayyorligini bildirgan. Dovbik "rossonerilar" safiga ijara asosida o‘tishni rejalashtirmoqda. Futbolchining transfer narxi 30 million yevroga baholanmoqda.
O‘tgan mavsumda Artyom 45 ta o‘yinda ishtirok etgan. Hujumchi o‘z hisobiga 17 ta gol va to‘rtta golli uzatmani yozdirib qo‘ydi. Yangi mavsumda Dovbik ikkita o‘yinda ishtirok etdi.
