Tojikistonnig Asia-Plus nashri CAFA Nations Cup 2025'da ishtirok etayotgan 8 ta terma jamoaning tarkibi haqida qiziqarli statistik material tayyorladi.

CAFA Nations Cup 2025da Markaziy va Janubiy Osiyoning 8 ta milliy terma jamoasi qatnashmoqda. Biroq ularning qiymatida katta farq bor.

Turnir ishtirokchilarining umumiy qiymati — 127,35 mln yevro, ammo mablag‘ taqsimoti bir xil emas: favoritlar ham, autsayderlar ham bor.

O‘zbekiston — turnirning bosh favoriti

O‘zbekiston terma jamoasi — musobaqadagi eng qimmat jamoa. Tarkibning umumiy qiymati 67,48 mln yevro. Yevropa klublarida to‘p surayotgan kuchli o‘yinchilar jamoani g‘oliblik uchun asosiy da’vogarga aylantirgan.

Eng qimmat futbolchilari:

- Abduqodir Xusanov — €35,0 mln
- Abbosbek Fayzullayev — €8,0 mln
- Eldor Shomurodov — €5,0 mln
- Oston O‘runov — €2,0 mln
- Otabek Shukurov — €1,8 mln

Eron — g‘oliblikka doimiy da’vogar

Ikkinchi o‘rindagi terma jamoa — Eron, uning qiymati 26,0 mln yevro. Jamoa tajribali va muntazam ravishda JCH hamda Osiyo kubogida qatnashadi.

Eng qimmat futbolchilari:

- Mexdi Taremiy — €3,5 mln
- Husseyn Kanoniy — €1,8 mln
- Saman Quddus — €1,5 mln
- Alireza Jahonbaxsh — €1,5 mln
- Amirhussayn Hussaynzoda — €1,5 mln

O‘mon — mustahkam o‘rtamiyona

Jamoa qiymati — 9,95 mln yevro. O‘mon tajribali futbolchilar va yosh iste’dodlarni uyg‘unlashtirib, tezkor hujumkor o‘yinga tayanadi.

Eng qimmat futbolchilari:

- Muhsin Al-G‘assaniy — €1,0 mln
- Essam Al-Subxiy — €500 ming
- Daxman — €500 ming

Tojikiston — kelajak jamoasi

Tojikiston termasi qiymati — 7,93 mln yevro. Asosiy stavka mahalliy tarbiyalanuvchilar va legionerlarga qaratilgan.

Eng qimmat futbolchilari:

- Rustam Yatimov — €1,5 mln
- Parviz Umarboyev — €600 ming
- Zoir Juraboyev — €600 ming
- Ehson Panjshanbe — €600 ming
- Alisher Jalilov — €500 ming

Qirg‘iziston — intizomga tayanadi

Jamoa qiymati — 6,65 mln yevro. O‘yinining yaxshi yo‘lga qo‘yilgani bilan mashhur bo‘lgan Qirg‘iziston kuchli raqibga ham kutilmagan tajovuz ko‘rsata oladi.

Eng qimmat futbolchilari:

- Joel Kojo — €600 ming
- Guljigit Aliqulov — €600 ming
- Tamirlan Qozubayev — €450 ming
- Kristian Brauzman — €450 ming

Hindiston — uyg‘unlikka tayanadi

Jamoa qiymati — 5,38 mln yevro. Asosiy kuch — jamoaviy o‘yin. Birinchi turda Tojikistonni mag‘lub etishdi.

Eng qimmat futbolchilari:

- Lallinzuala Chxante — €350 ming
- Sandesh Jingan — €300 ming
- Suresh Singh — €300 ming
- Anvar Ali — €300 ming

Turkmaniston — barqaror, ammo qadrlanmagan

Jamoa qiymati — 2,53 mln yevro. Intizomi va qaysarligi bilan mashhur.

Eng qimmat futbolchilari:

- Altimurad Annadurdiyev — €200 ming
- Guychmirat Annaguldiyev — €175 ming
- Abdi Byashimov — €175 ming

Afg‘oniston — asosiy autsayder

Jamoa qiymati — 210 ming yevro. Faqat bitta futbolchi sezilarli bozor qiymatiga ega:

- Rahmat Akbariy — €150 ming

Qiziqarli faktlar:

- O‘zbekiston Afg‘onistondan qimmati bo‘yicha 320 barobarga yuqori.

- O‘zbekiston va Eronning jami qiymati (€93,5 mln) qolgan 6 ta jamoa qiymatidan ham ko‘p.

- Tojikiston va Qirg‘iziston reyting o‘rta qismida bo‘lib, yosh legionerlari sababli o‘sish salohiyatiga ega.