Portugaliyaning "Benfika" klubi 18 yoshli yarim himoyachi Federiko Koletta bilan shartnoma imzolashga kelishib oldi. Bu haqda jurnalist Fabrisio Romano o‘z ijtimoiy tarmoqlarida ma’lum qildi.
Italiyaning "Roma" klubi va U19 yoshlar terma jamoasi futbolchisi 1 million yevro evaziga jamoasini o‘zgartiradi.
Koletta hech qachon "Roma" asosiy jamoasi safida maydonga tushmagan va yoshlar tarkibida 40 ta o‘yinda maydonga tushgan (14 gol, 3 golli uzatma). Shuningdek, u "Roma U17" safida 28 ta o‘yinda maydonga tushib, 17 ta gol urgan va 6 ta golli uzatmani amalga oshirgan.
