"Galatasaroy"ning yangi a’zosi Ilkay Gyundogan Italiya chempionatiga ko‘chib o‘tishi mumkin edi.

"Manchester Siti" 34 yoshli futbolchiga unchalik ishonmagandi, shuning uchun u transfer oynasi yopilishidan oldin o‘ziga yangi klub qidirayotgandi. Jurnalist Fabrisio Romanoning yozishicha, Gyundoganning xizmatlarini Milanning "Inter" klubiga taklif qilishgan. Tajribali yarim himoyachi "neradzurrilar"ga erkin agent sifatida o‘tishi mumkin edi, biroq A Seriya grandi bundan biroz oldin 22 yoshli yarim himoyachi Andi Diufni 20 mln yevroga sotib olgani uchun kelishuvdan bosh tortdi.

Ko‘p o‘tmay, 2 sentyabr kuni Ilkay Gyundogan Turkiyaning "Galatasaroy" klubiga o‘tgani rasman e’lon qilindi.