"Aston Villa" bosh murabbiyi Unai Emeri "Manchester Yunayted"ning asosiy maqsadi bo‘lib turibdi. Bu haqda Football Insider nashri xabar bermoqda.

Manbaga ko‘ra, "Aston Villa" rahbariyatida Emerining ishidan norozilik kayfiyati ortib bormoqda, chunki jamoa o‘zidan kutilgan natijalarni ko‘rsata olmayapti. Bu vaziyatdan "Manchester Yunayted" unumli foydalanishi mumkin. Klub ayni damda Ruben Amorim bilan xayrlashishga qaror qilinsa, unga o‘rinbosar izlamoqda.

Angliya chempionatining yangi mavsumida o‘tkazilgan 3 ta turdan so‘ng "Manchester Yunayted" 4 ochko jamg‘argan holda 9-o‘rinda bormoqda. "Aston Villa" bir ochko bilan 19-o‘rinda.