"Sporting"ning sobiq ustozi, hozirda "Manchester Yunayted"ni boshqarayotgan Ruben Amorim Portugaliya chempionatiga qaytishi mumkin. Bu haqda jurnalist Kris Uiler o‘zining ijtimoiy tarmoqdagi sahifasida ma’lum qildi.

Manbaga ko‘ra, Joau Noronya Lopes yaqin vaqt ichida Portugaliya grandi prezidenti bo‘lish imkoniyatiga ega. Funksioner Amorimni "Benfika" murabbiylik lavozimida ko‘rishni istardi.

Mish-mishlarga ko‘ra, "Manchester Yunayted" rahbariyati APLdagi muvaffaqiyatsiz startiga qaramay, yaqin orada mutaxassis bilan xayrlashishni rejalashtirmayapti.

Angliya chempionatining 4 turidan so‘ng "qizil iblislar" turnir jadvalida 14-o‘rinni egallab turibdi. Ular bor-yo‘g‘i 4 ochko jamg‘ara olishdi.