"Nottingem Forest" ustozi Ange Postekoglu Yevropa Ligasi doirasida "Betis"ga qarshi kechgan durangdan so‘ng o‘z fikrlarini bildirib o‘tdi.
Eslatib o‘tamiz, uchrashuv 24 sentyabr kuni Sevilyada bo‘lib o‘tgan va 2:2 hisobida yakunlangandi.
"Futbolchilarning harakatlaridan faxrlanaman. Bu og‘ir yo‘l, murakkab sharoitlar - juda charchatadigan yuqori namlik va maydonning holati. Birinchi bo‘limda futbolimiz ba’zan zo‘r edi. Ta’na qilish mumkin bo‘lgan yagona narsa - biz o‘yinga nuqta qo‘ya olmadik. Ikkinchi bo‘limda ko‘proq himoyalanishga to‘g‘ri keldi, ammo men haqiqiy xavfni his qilmadim," - dedi murabbiy o‘yindan so‘ng.
