Londonning "Arsenal" klubi himoyachisi Vilyam Saliba "kanonirlar" bilan yangi shartnoma shartlarini kelishib oldi. Bu haqda The Athletic xabar bermoqda.

Manbaga ko‘ra, 24 yoshli futbolchi bilan yaqin kunlarda shartnoma imzolanadi. Muzokaralar may oyidayoq boshlangan, shu bilan parallel ravishda Salibaga Madridning "Real" klubi faol qiziqish bildirayotgan edi.

Saliba "Arsenal"ga 2019 yilda "Sent-Etyen"dan kelib qo‘shilgan edi. U joriy mavsum klub miqyosida 5 ta o‘yinda maydonga tushdi va 1 ta golli uzatmani amalga oshirdi. Futbolchining Transfermarkt portalidagi narxi 40 million yevroga baholanmoqda.